تەلەفزیۆنی سەدا وەکو زمانحاڵی فەڕمی (ژیار بۆ پەروەردەو گەشەپێدانی مرۆیی)، ڕوویەکی نوێی شاشەیەو لەژێر ڕۆشنایی زانست و هزری پەروەردە و بەهای خێزاندا کاردەکات. وەکو کەناڵێكی ڕێنمایی زانست دەهێنێتە ژیانەوە، پەروەردە دەهێنێتە سەر شاشەکان، بەهاکانی خێزان دەپارێزێت. سەکۆیەکی میدیاییە بەئامانجی بەشداریکردن لە گەشەپێدانی تاك و کۆمەڵگە لە ڕێگەی پێشکەشکردنی بەرنامەی بەهادار و پڕ ماناوە.
زیادکردنی هۆشیاری پەروەردەیی و زانستیی و کلتووریی و کۆمەڵایەتی لای سەرجەم چین و توێژەکانی کۆمەڵگە.
بەشداریی لە هەڵمەت و کەمپینە گشتییەکانی بوژاندنەوەی بەها باڵاکان و ڕێگری لە ڕەزیلەتی ئەخلاقی.
بونیادنانی کۆمەڵگەیەکی تۆکمە و تەبا لە ڕێگەی پاراستن و برەودان بە بەها ئایینی و خێزانی و کۆمەڵایەتییەکانەوە و گواستنەوەی ئەو بەهایانە بۆ نەوەی نوێ.
پاڵپشتیکردنی گەشەپێدانی کۆمەڵایەتی و بونیادنانی ئایندەیەکی باشتر لە ڕێگەی زانست و پەروەردەوە.
